آدی پروش نے پٹھان کا ریکارڈ توڑ دیا

ممبئی: بالی وڈ اداکارہ کریتی سینن اور اداکار پربھاس کی فلم ’آدی پروش‘ نے سُپر اسٹار شاہ رخ خان کی فلم ’پٹھان‘ کا ریکارڈ توڑ دیا۔

بھارتی میڈیا کے مطابق 16 جون کو سنیما گھروں میں نمائش کیلیے پیش کی جانے والی آدی پروش سال کی سب سے زیادہ کمائی کرنے والی فلم میں شامل ہونے کے قریب پہنچ گئی۔

کریتی سینن اور پربھاس کی فلم نے ریلیز کے دوسرے دن دنیا بھر میں مجموعی طور پر 240 کروڑ روپے کا بزنس بآسانی کرلیا۔

فلموں کی کمائی کا تجزیہ کرنے والے سومیت کاڈیل نے سماجی رابطے کی ویب سائٹ ٹوئٹر پر بتایا کہ آدی پروش 200 کروڑ روپے کا بزنس کرنے والی فلم کے کلب میں شامل ہوگئی۔

سومیت کاڈیل نے مزید بتایا کہ فلم پہلے دن زبردست بزنس کرتے ہوئے 140 کروڑ روپے اکٹھے کرنے میں کامیاب رہی جبکہ اس نے دوسرے دن مزید 100 کروڑ روپے کمائے۔

OFFICIAL – With a bumper opening on day 1 #Adipurush maintain its steady ground and takes the total collection to a huge ₹ 240 cr in 2 day at the *Global Box Office*

Day 1 – ₹ 140 CR.
Day 2 – ₹ 100 CR.

Total – ₹ 240 CR ( Gross Worldwide) #Prabhas pic.twitter.com/KoZ9UIPILp

— Sumit Kadel (@SumitkadeI) June 18, 2023

رواں سال 25 جنوری کو سُپر اسٹار شاہ رخ خان کی فلم ’پٹھان‘ ریلیز ہوئی جس نے دنیا بھر میں 600 کروڑ روپے سے زیادہ کا بزنس کیا۔ اس فلم نے اپنی ریلیز کے دوسرے دن مجموعی طور پر 219 کروڑ روپے کمائے تھے۔ اس حساب سے آدی پروش نے پٹھان کو پیچھے چھوڑ دیا۔

آدی پروش میں کریتی سینن اور پربھاس کے علاوہ سیف علی خان بھی جلوہ گر ہیں۔ امید کی جا رہی ہے کہ یہ شاہ رخ خان کی فلم پٹھان سے زیادہ بزنس کرنے والی ہے۔

from ARYNews.tv | Urdu – Har Lamha Bakhabar https://ift.tt/hUZoK7n